منتدى الفراشة الجميله

موقع عام للبنات والشباب لجميع الاعمار


    من اجمل قصائد شاعر المليون محمد ابن فطيس المرى

    شاطر
    avatar
    كوكوالبحر
    مشرف المنتديات التعليمية

    عدد الرسائل : 59
    العمر : 43
    البلد : السعودية
    المزاج : السباحة
    السٌّمعَة : 0
    تاريخ التسجيل : 18/10/2007

    من اجمل قصائد شاعر المليون محمد ابن فطيس المرى

    مُساهمة من طرف كوكوالبحر في الجمعة أكتوبر 19, 2007 6:27 pm

    محمد بن حمد بن فطيس المري

    مانيب من ياتي ولا يدرابه
    شطر حفظته ماعرف كتابه

    شطر يناسبني لمثل الليله
    واشوفني في ذالمكان اولى به

    ابتكل بالله ونعم بالله
    اللي مايوصد دون خلقه بابه

    باقول واللجنه تقيم قولي
    ومن كثرت الشعار ماني آبه

    الحمد لله واثق(ن) من روحي
    وان كنت ذيب فالرجال ذيابه

    ما اقول انا اشعر واحد فالدنيا
    لكن قصيدي كفو وانا ادرابه

    الشعر جمعنا لو تفرقنا
    حدودنا وظروفنا الغلابه

    الله يبيض وجه راعي الفكره
    عز الله انها تنحسب لحسابه

    والله يبيض وجه من يرعاها
    محمد الله يحفظه لاحبابه

    محمد ولد زايد عريب المجنى
    ولي عهد الديره الخلابه

    الشعر تاريخ(ن) لنا من مبطي
    واعلامنا يوم السنين نهابه

    الشعر بيت(ن) والوزن عمدانه
    معناه طنب وقافيته حجابه

    الشعر واد فيه صيد(ن) واجد
    وكل على الوادي يهج ركابه

    والافكار صيد وكل شاعر قانص
    وكلن يدسم شاربه مخلابه

    احد(ن) خياله حر واحد(ن) وكري
    واحد(ن) خياله كوبجن بقطابه

    وانا خيالي كل ماهديته
    حول على الوادي وصاد عقابه

    شاركت امثل ديرتي وربوعي
    وكلن يمثلن ديرته واقرابه

    والله الا الله راد والله قاله
    اني لسلمها الفخر وكتابه

    داري قطر وانا اهنا امثلها
    المجد مطلوبي وانا طلابه

    عهد علي اني لشرف داري
    ترك صبي ما يعز ترابه

    شوفوا دمي من حبها عنابي
    وحماستي من ضووها شبابه

    شاعر خليجي والعروبه بيتي
    والبيت ماياقف بدون اطنابه

    وان عودت بين القبايل فزعه
    انا اشهد ان لي فاللوازم لابه

    لي فالقبايل ربع واقدرهم
    ماني بمن يجهل مقام اصحابه

    وان عودت لاصلي فانا اصلي مري
    من صلب يام اهل القنا وخضابه

    قوم لنا فوق المعالي بيرق
    والسيف قوة سلته بانصابه

    الشعر طوقني وانا طوقته
    قمت اتمشابه وفك ابوابه

    يابنت ياللي تفرقين بعودش
    مالومهم لاكثروا الخطابه

    لامر بش دربش على خلق الله
    قالوا كذا بالاصبع السبابه

    زينش يزينه فعل ابيش وجدش
    وانتي بدورش للنقا كسابه

    قومي تباهيبي وفلي راسش
    عليش من ستر الشرف جلبابه

    وان ماسترتش بالفعول وباسمي
    فعقبني الفنجال ياصبابه


    avatar
    بـ[باب]ـدر مـ[الحارة]ـدني

    عدد الرسائل : 4
    العمر : 31
    المزاج : هيـا خلي أحد يلعب في الملعب .. >>> أدمـره ..
    السٌّمعَة : 0
    تاريخ التسجيل : 20/10/2007

    رد: من اجمل قصائد شاعر المليون محمد ابن فطيس المرى

    مُساهمة من طرف بـ[باب]ـدر مـ[الحارة]ـدني في السبت أكتوبر 20, 2007 2:16 am

    ..

    تســلم تســلم ,,

    هذا الشعــر ولا بلاش , ,Laughing

    بالتــوفيق
    afro
    avatar
    عطر الفل

    عدد الرسائل : 292
    العمر : 38
    البلد : السعودية
    المزاج : happy
    السٌّمعَة : 0
    تاريخ التسجيل : 17/10/2007

    رد: من اجمل قصائد شاعر المليون محمد ابن فطيس المرى

    مُساهمة من طرف عطر الفل في السبت مايو 31, 2008 4:27 pm

    يسلمووووووووو كوكو البحر على الابداع والتميز


    _________________
    انا دخيل اجمل عيون سلهمت ملح وغرام
    وش عاد تبغي يالغرام ان سلهمت بك مشرقية
    avatar
    كوكوالبحر
    مشرف المنتديات التعليمية

    عدد الرسائل : 59
    العمر : 43
    البلد : السعودية
    المزاج : السباحة
    السٌّمعَة : 0
    تاريخ التسجيل : 18/10/2007

    رد: من اجمل قصائد شاعر المليون محمد ابن فطيس المرى

    مُساهمة من طرف كوكوالبحر في الخميس يونيو 05, 2008 4:17 pm

    يسلمو مشكورين كل من مر ورد


      الوقت/التاريخ الآن هو السبت نوفمبر 17, 2018 12:39 am